Coffee Break‧‧‧‧‧‧‧‧‧‧‧‧‧‧‧‧‧‧‧‧‧‧‧‧

曾經聽過不少論調，甚至算得上老調，謂偽裝是生存之道，無論是自然界還是人類的社交圈，不懂偽裝可以帶來很多麻煩。黃子華最近的棟篤笑《愈大鑊愈快樂》就再提出過這觀點，「有個句講個句」絕對自找麻煩。最簡單直接的例子，莫過於在剛誕下嬰兒的夫婦面前，讚美孩兒靚仔可愛兼似足老豆老母，但實在對著這團毛髮未齊的一塊肉，試問何來可愛靚之有，但作為孩子的父母一定照單全收，自己也會好下台。

 黃子華將這種現論歸納為「二五仔理論」，亦即是偽裝。自然界的偽裝先為自保，後為求偶。尤其後者，雄鳥追求雌鳥的求偶舞不外乎展露自己的優點，轉到人類社會，就是駕駛開蓬波子示威那種令人「憎人富貴厭人貧」的行為。當然真心與否，並不在展示之列。所以一旦得手立即原形畢露，或者無法維持偽裝至最後一刻，最終雙方都失望而回。 

尤記得電影《誘心人(Closer) 》，兩對情侶既相愛又相欺，愛你所以騙你，不想再騙你的話，即是「有個句講個句」，亦是時候玩完。最經典莫過於Jude Law 和女友分手後，才發現連對方的真名都不知道。不相欺無法相愛，未免對愛情太過負面，但試問百份百担承的話，又有誰受得了對方？ 所以黃子華將這個定理一句話歸納為自然定律。黃子華的棟篤笑求的不是新鮮感，不過可以拿著這條定律開玩笑，也算是功力之所在。然而想深一層，自然定律如改無可改，其實都灰得可以，做人幾十歲面對這條金科玉律，你笑得出乎？ 

在同一間公司工作三年零五個月，已經很足夠。

終於可以像個人，踏出去……

「我們老闆X先生的其中一個規條是不能忽視員工的健康，所以我們會每半年作一次評審，檢討人手是否足夠，應增加人手時會相應調整。」

這是我見工時聽到的一番話。

有點想哭……

我諗我都係OUT人一個，實在唔明facebook有咩好玩。當我地不斷係雜誌報章消滅文字之同時，竟然要係facebook咬文嚼字，add friends add 唔切，仲愈來愈似Junk mail，更加無咩心情尋找我o既過去，無論係幼稚園、小學、中學……what’s so ever，過去的隨緣，有緣的自然回來。而家有種好似搞亂檔的感覺，一個唔覺意將你過去幾十年前，唔知點解有個騎呢花名挖出來，或者曾幾何時有個舊情人找上門……My God！簡直係吹皺一池春水，令平靜生活不再平靜。自認君子之交淡如水，有心相見唔會係facebook，又唔見facebook有個webcam界面？咁至算facebook吓化？

算，我鍾意Face off，惟一個人資料如下：4C = cat, coffee, camera, chocolate。

OK？玩齊呢四樣，有偈傾。

突然因為一句話，要檢討下自己有幾In，有幾out。或者都請大家自我評核。無人監你，但如果你剛過30歲仲係一樣都無做，你要諗下自己係咪住係火星。

1)    玩facebook

2)    寫Blog

3)    玩MSN (唔係同你講笑，近來發現仲有大把人未玩過)

4)    玩PSP / NDS Lite

5)    用iPod (咩version都無所謂)

6)    用iPhone

7)    用Flat Panel TV(LCD / Plasma都無所謂)

8)    去海洋公園 / Disney 哈佬喂

9)    認購新股

10)    玩厭iPhone玩愛豐 (就係呢一句，哈哈哈！)

自招，以上我勉強做左3樣，都有點邊緣。做左呢度一半，都算係安全線。

如果一樣都無做，你真係要檢討下。(有位比我大四年的同事，真的沒做過任何一樣……)

但如果你做齊，其實無咩值得高興，你不過係一個普通香港人囉。

咪認真，得啖笑。

老外的口味和中國人不同已是不爭的事實，《色戒》獲獎，我敢說不是因為李大導，不是因為梁朝偉，而是老外第一次看到中國人會赤條條地做愛，加上幾分對中國風的餘情，原本只值75分的電影，突然間跳升至99分。

係，咪睇錯，無打錯。可能係我孤陋寡聞，用櫃台服務要俾錢！

呢間銀行咪叫東亞銀行囉，申請左佢請新信用卡，事忙，PPS login又難記，唔想翻查諗住近近地去銀行入就無問題，點知……

「counter 入錢要收$20喎。」唔X係阿化？可能我無睇服務細則，但不嬲服務細則個font size有幾細，唔講大家都明，亦都唔會去睇……

「咁我有咩辦法交數？」

「用繳費靈，或者用銀行戶口過數。」

「我繳費靈要check account no，但我又無你存款戶口，點算？」

「咁你仲可以用其他銀行過數，有無其他銀通網戶口？」

「有中銀囉。」「咁就無問題啦。」

講真$20唔多，但咁o既理由，我真係唔會俾。我用中銀戶口咁過數，中銀應該收我charge添。我有富邦VISA，無存款戶口，埋櫃位都唔會咁啦，恆生即交都唔會收啦，東亞有乜X咁把炮要收Charge？黐線！

明俾錢唔得，係要暗俾，唔怪得「李老闆」要俾人告啦，鍾意玩內幕。